ФОТО: Шилегов откри како ќе изгледа реновираната Универзална сала
Скопскиот градоначалник Петре Шилегов на својот Фејсбук профил напиша дека веќе се решава еден од децениските проблеми на главниот град, односно реконструкцијата на Универзалната сала е во тек, при што откри неколку слики како таа ќе изгледа.
„Некаде на почетокот на јуни на одговор на новинарско прашање, кажав дека влегуваме во изборна кампања и дека во периодот што следи, ќе се изнаслушаме се’ и сешто (особено за мене), но и дека немам намера да се занимавам со ниските страсти и изопачената политичка логика на ДПМНЕ, туку дека мојата цел беше, е и ќе биде да се занимавам со проблемите на Скопје и скопјани, кои што скоро 3 децении се таложеа во нашиот град како резултат на нивното некадарно и волунтаристичко водење на градот.
Тие последици, тие проблеми ги решаваме чекор по чекор. Работејќи на вистинските негови приоритети и потреби на граѓаните.
Еден од децениските проблеми, еве веќе се решава. Драги скопјанки, почитувани скопјани, ове е новата внатрешност на Универзална сала !!!“, напиша Шилегов покрај објавените слики.