Македонската пејачка Елена Ристеска викендов настапи во еден познат ноќен клуб и ѝ приреди незаборавна вечер на скопската публика.

Ристеска се појави на македонската сцена пред нешто повеќе од две децении, но и ден-денес важи за една од нашите најеминтентни пејачки на популарна музика. Доказ за тоа е и овој нејзин настап, каде ги изведе своите најголеми музички хитови пред нејзините верни обожаватели.

„Прекрасна и емотивна вечер. Ви благодарам за преубавата атмосфера. До следниот пат…“, напиша таа на Инстаграм, споделувајќи ги своите впечатоци.

Како и секогаш, таа се појави во интересно модно издание, овој пат стилизирано од стилистката Теа Клинчарова. Што се однесува до шминката и фризурата, за нив се погрижи нејзиниот долгогодишен соработник Даниел Николовски.

Интервју со Елена Ристеска: Не се омажив тајно, но благодарам за добрата идеја