Актерот Џим Кери беше остро осуден на социјалните мрежи откако тој објави карикатура на поранешната прва дама на САД, Меланија Трамп.

„Збогум, најлоша прва дамо. Се надевам дека спогодбата може да го финансира твојот плиток живот. Ти благодарам за ништо”, напиша Џим.

pic.twitter.com/zvU6tF4UjM

— Jim Carrey (@JimCarrey) January 22, 2021

Бројни следбеници го нападнаа затоа што сметаат дека објавата е невкусна и сексистичка.

„Ужасно е да се нападне првата дама која ја вршеше својата работа со грациозност и достоинство и не доби ништо освен критика од левицата. И срамота е што ниту една жена од левата страна не ја бранеше жената поради овие неосновани напади”, „Секогаш мислев дека ти си кул. Сега си премногу одмаздољубив со вакви слики”, „Ова е толку сексистички. Такво лицемерие”, „Ова е ниско. Ми се допаѓаше и мислев дека ги инспирираш луѓето”, се само некои од коментарите.

Имало и такви коментари кои го бранеле актерот.

„Тој е актер, комичар кој ги прикажува мажите и жените и ги тера луѓето да се смеат, што значи дека никој не е имун на потсмев“, „Зошто луѓето се однесуваат повредено и изненадено? Зошто толку сериозно?“, „Продолжи да се изразуваш преку твојата уметност! Ако сакаше да биде прикажана во подобро светло, требаше да се претстави подобро кога беше во центарот на вниманието“, напишале оние кои не гледаат ништо лошо во карикатурата која ја објави актерот.