ФОТО | Ја одбележаа годината: Десетте најдобри креации на црвениот тепих во 2023
Иако Холивуд штрајкуваше речиси четири месеци, па голем број настани беа откажани, необичните модни комбинации на познатите личности не останаа незабележани. Од посветената имитација на мачката на Карл Лагерфелд, костимот што Џаред Лето го носеше на минатогодишната Мет гала, до Марго Роби која го промовираше изгледот на популарната кукла во природна големина за време на промотивната турнеја за филмот „Барби“ („Barbie“) – оваа година креативноста беше на високо ниво, пишува „Си-ен-ен“.
Хари Стајлс на наградите Греми
На доделувањето на американските музички награди во Лос Анџелес, британскиот музичар Хари Стајлс триумфираше со својот најдобар поп албум. Хари Стајлс се појави на црвениот тепих во комбинезон со длабоко деколте, украсено со кристали „Сваровски“. Неговиот комбинезон потсетуваше на оние што ги носеа Мик Џегер и Дејвид Боуви во седумдесеттите години. Креацијата на комбинезонот ја потпиша модниот стилист Хари Ламберт.
Маргот Роби во креација на Вивиен Вествуд на лондонската премиера на филмот „Барби“
За време на промотивната турнеја на филмот „Барби“ („Barbie“), Марго Роби и нејзиниот стилист Ендрју Мукамал прецизно го рекреираа изгледот на куклата Барби во природна големина. Еден од најраскошните моменти беше во Лондон, кога Марго Роби се појави во бебешки розев фустан од дизајнерката Вивиен Вествуд, креација инспирирана од куклата Барби.
Карди Би на видео музичките награди на Ем-ти-ви
Раперката и актерка Карди Би никогаш не бегала од „драматичниот“ моден стил, иако е позната по модните парчиња од модната куќа на Тери Муглер и „Баленсијага“. На споменатата церемонија таа, сепак, облече модел на независната турско-британската дизајнерка Дилара Финдикоглу. Фустанот ѝ беше изработен со сребрени детали.
„Морам да бидам креативна во сè – настап, облека, слики, стил“, изјави Карди Би.
Џаред Лето како мачка на Мет гала
Минатогодишната Мет гала беше посветена на чествувањето на наследството и креациите на Карл Лагерфелд. На црвениот тепих имаше бисери, твид, сиви перики. Но, Џаред Лето имаше поинаков изглед, кој ја одбележа вечерта. Познатиот актер се појави во костимот на мачката Шупет, со бели шепи и сини очи, која беше неофицијалната маскота на настанот – омилената мачка на Лагерфелд. За повеќето луѓе, костимот на Лето беше целосно изненадување.
Фан Бингбинг на Канскиот филмски фестивал
Кинеската актерка Фан Бингбинг воодушеви со изборот на фустан на минатогодишниот Кански филмски фестивал. Фустанот на Кристофер Бу, бајковита креација со мотиви од џунглата најмногу ги воодушеви новинарите. Насликан со мотиви од бамбусова шума, фустанот потсетуваше на традиционалната кинеска уметност.
Ен Хатавеј во винтиџ „Валентино“ на Британските модни награди
Архивскиот изглед од „Валентино“ на Ен Хатавеј, кој го стилизираше Ерин Волш, понуди интересен моден пресврт – одржлив и инспириран од италијанската кујна.
„Валентино го дизајнираше фустанот имајќи шпагети на ум“, изјави Џанкарло Гуамети за „Вог“.
„Отсекогаш сонував да бидам тестенина“, со насмевка искоментира актерката Ен Хатавеј.
Џенифер Лоренс во „Диор“ и апостолки на Канскиот филмски фестивал
Сјајот и гламурот се типични за Канскиот филмски фестивал, но Џенифер Лоренс навистина го привлече вниманието во креација на „Диор“. Стилист ѝ беше Џејми Мизрахи, а Лоренс го спои класичниот црвен фустан со удобни црни апостолки.
„Скјапарели“ Сиена Милер во светот на Вог
Актерката Сиена Милер го имаше своето спектакуларно деби во светот на „Вог“ во септември минатата година. Неверојатна креација на стилистот Хари Ламберт, кој избра дводелно „пуф“ парче од „Скјапарели“, кое одлично го „врами“ стомакот на Сиена Милер.
Риз Ахмед во „Прада“ на Оскарите
Иако не беше целосно без маица, Риз Ахмед беше со голи гради на минатогодишното доделување на Оскарите. Ахмед и неговата стилистка Џули Ранголи го претставија моделот на „Прада“, најновиот дизајн на колекцијата 2023 година. Покрај оделото, Ахмед носеше розова кошула со шетланд волна, која ѕиркаше под модерното сако со впечатлива јака.
Ријана во „Скјапарели“ на Златните глобуси
Пејачката Ријана беше, можеби, една од најдобро облечените присутни на доделувањето на филмските награди Златен глобус. Стилизирана од нејзиниот долгогодишен соработник Џалал Вивер, црниот кадифен фустан на Ријана потсетуваше на стариот холивудски гламур, искомбиниран со џиновска наметка и соодветни кадифени ракавици до лактовите.