ФОТО | Извонредно откритие: Видете ја Црната дупка во срцето на нашата Галаксија
Огромната црна дупка што живее во центарот на нашата галаксија, позната како „Sagittarius A*“ – Стрелец А*, црната дупка е поголема четири милиони пати од масата на нашето Сонце и беше фотографирана за првпат. На фотограгијата направена од телескопот „Евент Хорајзон“ се гледа централен темен регион каде што се наоѓа дупката, заокружена со светлината што доаѓа од супер-загреаниот гас забрзан од огромни гравитациски сили.
Голема е околу 60 милиони километри во ширина. За среќа, ова чудовиште е на далечина од околу 26.000 светлосни години од нас, така што нема можност да се најдеме во каква било опасност.
Have you seen the picture of the black hole at the center of our galaxy?
The image of Sagittarius A* (inset) was taken by @EHTelescope. Now see it in context with support from our @ChandraXray, Swift and NuSTAR observatories. Here’s what the colors mean: https://t.co/Qkt3Qu3v1r pic.twitter.com/BONW7QZhsu
— NASA (@NASA) May 12, 2022
Ова е втора ваква слика која ја има направено „Евент Хорајзон“, откако во 2019 година објавија фотографија од џиновска Црна дупка во срцето на друга Галаксија наречена Месиер 87(М87). Таа беше 1.000 пати поголема од нашето Сонце и со 6,5 милијарди пати поголема маса.
„Оваа фотографија е посебна бидејќи е нашата супермасивна Црна дупка“, вели за Би-Би-Си професорот Хејно Фалке, еден од пионерите зад проектот на „Евент Хорајзон“.