ФОТО | Цел свет зборува за новата јакна на Адријана Лима, а ја дизајнираше Србинка
Супермоделот Адријана Лима, една од најубавите жени на светот, се појави на фудбалски натпревар во специјално издание. Лима носела дрес со своето презиме, а врз него носела „бомбер“ јакна од брендот „Батаковиќ Белград“.
Препорачано
Имено, Адријана во Париз го следела натпреварот помеѓу Пари Сен Жермен и Марсеј. Како глобален амбасадор на ФИФА и голем љубител на фудбалот, таа го следела натпреварот како страсен навивач, а на стадионот пристигнала без шминка и во спортска облека.
Јакната што ја носела Адријана е изработена од 90 отсто волна и 10 отсто кашмир и е внимателно дизајнирана да го задоволи динамичниот начин на живот на модерните жени. Преголемата јака и џебовите се дизајнирани да создадат впечатлива силуета, додека врвната ткаенина обезбедува совршено чувство на топлина и удобност.
Зад овој бренд стои поранешниот топ модел Ива Батаковиќ, која своето долгогодишно модно искуство го втемелила во идентитетот на својот бренд, користејќи ги најдобрите материјали и форми уште од самиот почеток во желба да ја претстави модерната жена на поинаков начин.
– Нашата визија е да ги поддржиме жените преку нивната гардероба да станат свесни за своите квалитети, на прво место храброста, самодовербата, чувството дека се облекуваат за себе, а не за другите. Во соработка со материјалите на „Лоро Пијана“, одлучивме нашите модели да ги направиме уште побезвременски. Тоа е квалитет кој ниту еден моден тренд не може да го промени, кој останува вечен и актуелен низ времето, без разлика колку се менува актуелната мода. Главната карактеристика на брендот „Батаковиќ Белград“ е самодовербата со која сакаме да зрачат сите жени – порачала претходно Ива Батаковиќ.
Брендот „Батаковиќ Белград“, чии модели се и елегантни и лежерни, стекна многу симпатии на светската модна сцена. Внимателно избраниот меѓународен тим на соработници води сметка за тоа брендот да ги има сите атрибути на врвен светски бренд, а очигледно е дека тоа го ценат врвните имиња од модниот свет.
ФОТО | Адријана Лима облечена во дрес на ПСЖ и без шминка го бодреше својот омилен фудбалски тим
