Шминка во 10 различни бои, средства за одржување на коса и накит се откриени во текот на археолошките ископувања во античкиот римски град Ајзанои (или Езаниа, како што го нарекувале Римјаните) во Турција, пишува „Дејли мејл“.

Овој римски град, кој се смета за еден од најважните во Мала Азија,  повторно го откриле европските патници во 1824 година. Научните ископувања започнале во 1926 година под контрола на Германскиот археолошки институт и Универзитетот Думлупинар.

Makeup materials used by Roman women 2,000 years ago were found in the ancient city of aizanoi https://t.co/NZ1tJaZ9uy@aizanoitv #Kütahya #RomanEmpire

— Anatolian Archaeology (@Anatolian2023) September 23, 2023

Досега таму се ископани храмот на Зевс, комплекс со театар и арена и затворен пазар. Козметиката и накитот се откриени при ископување на продавница стара 2.000 години на античкиот пазар.

– Откривме продавница која нудела парфеми, накит и производи за шминкање. Посебно е интересно што пронајдовме сенка за очи и руменило во школки, а знаеме дека Римјаните чувале такви предмети во школки. Најголемото изненадување се пигментите во козметиката. Се разбира, тие не се сочувани во совршена состојба, некои од нив се само милиметар или два. Исто така, најдовме и парче кое беше целосно сочувано – изјавил за агенцијата Анадолија проф. Гокан Ѓошкун, раководител на Катедрата за археологија на Универзитетот Думлупинар.

Како што вели, доминантните бои биле црвената и розовата.

Kütahya’nın Çavdarhisar ilçesindeki Aizanoi Antik Kenti’nde,
Roma dönemi kadınların 2 bin yıl önce kullandığı bijuteri ürünleri ve makyaj malzemeleri gibi kozmetik ürünlerine ait kalıntılar bulundu. pic.twitter.com/knj3kgQsOo

— HR Haber (@hr_haber) September 24, 2023

– Она што ни го кажува откритието на оваа продавница е дека луѓето се слични во различни времиња и дека жените се секогаш жени. Уште во дамнешни времиња користеле шминка, носеле ѓердани и ја средувале косата за да изгледаат што поубаво – рекол Ѓошкун.

„За време на ископувањето овде наидовме на голем број шишиња парфеми. Покрај нив има и накит. Тоа се производи како шноли и ѓердани кои ги користеле жените“, додал тој.

Раководителот на ископувањето посочува и дека се пронајдени „комплети“ за шминка, кои содржат сенки за очи и руменило во светли бои. Сенките за очи и руменилата, вели тој, се слични на производите кои се користат и денес.