Онлајн злоставувањето на деца во ЕУ порасна во текот на пандемијата од ковид-19, рече денеска шефицата на Европол, предупредувајќи дека уште повеќе случаи би можеле да искрснат кога училиштата повторно ќе се отворат и учителите ќе добијат увид во состојбата.

Кибер криминалот порасна во текот на епидемијата, додека луѓето се принудени да работат од дома и да купуваат онлајн.

„Она што загрижува е порастот на онлајн активностите на оние кои бараат детска порнографија“, рече директорката на Европол Катрин Де Бол во текот на заседанието во ЕУ парламентот.

Де Дол, поранешната шефица на белгиската полиција, рече дека е пријавен пораст на педофилски активности од страна на националните тела за спроведување на закони од 27 земји членки на ЕУ во кои е забележан пораст на пристапот кон илегални страници, но и гасење на повеќе онлајн платформи за размена на детска порнографија.

Директорката рече дека истражителите на Европол пресретнувале криминалци кои полесно им приоѓале на децата разговарајќи со нив на „темната мрежа” (dark web), дел од Интернет кој е достапен само со специфичен софтвер или овластување.

Сексуалните престапници се обидуваат да ја експлатираат растечката изложеност на децата на интернет, додека во текот на пандемијата се свртени кој онлајн училиштата, понекогаш преку платформи кои не се адекватно обезбедени, рече Де Бол.