Во денешното осмо коло од кошаркарскиот Еврокуп во Турција екипата на Хувентуд Бадалона загуби од Дарушафака со 92:86 (21:19, 25:16, 19:19, 27:32).

Македонскиот интернационалец Ненад Димитријевиќ повторно беше еден од поефикасните во редовите на Хувентуд.

Овојпат нашиот играч за скоро 24 и пол минути игра на паркетот запиша 13 поени (2/5 од поле, 2/3 за три, 3/3 од слободните фрлања), додаде три скокови и седум асистенции.

Подобар од него беа само Клемен Препелич со 30 и Конор Морган со 14 поени. На спротивната страна 18 поени забележа Картал Озмизрак.

После осум одиграни кола во групата „Ц“ вода Дарушафака (5-3) и Уникс Казан (5-3), следуваат Хувентуд Бадалона (4-4) и Бреша (4-4), а на последните две позиции се Нантер (3-5) и Цедевита Олимпија (3-5).

Во наредниот меч шпанската екипа ќе игра против Уникс Казан на домашен терен на 11. декември.