Елмас останува без тренер, прв кикс на Наполи и Анчелоти ќе лета од клупата? – Слободен печат
СпортФудбал

Елмас останува без тренер, прв кикс на Наполи и Анчелоти ќе лета од клупата?

Италијанските медиуми веруваат дека Карло Анчелоти за помалку од десетина дена или најдоцна до божиќните празници ќе добие отказ.

Македонскиот репрезентативец Елиф Елмас, наскоро ќе остане без тренер, јавуваат италијанските медиуми. По неделниот пораз од Болоња во Серија А, Карло Анчелоти ја однесе екипата во карантин и доколку не оствари триумф над Удинезе во идното коло и евентуално против Генк во последното коло од групната фаза во Лигата на шампионите, тогаш и дефинитивно ќе добие отказ.

Според медиумите од Неапол, Анчелоти ја загуби поддршката во соблекувалната, а бидејќи Наполи заостанува дури 17 бодови зад лидерот на табелата, Интер, претседателот на клубот сака што побрзо да го смени искусниот стратег.

Како идно решение за клупата на Наполи и нов тренер на Елмас, се споменува Џенаро Гатузо кој е добар пријател со претседателот Аурелио Де Лаурентис, и е тренерот кој со својот авторитет може да ги смири страстите во соблекувалната. Наполи има конкуренција во Фиорентина која исто така е заинтересирана за Гатузо. Второ фаворит е Де Бјаси но тој би привремено решение до крајот на сезоната.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Еден коментар

Напишете коментар

Вашата адреса за е-пошта нема да биде објавена. Задолжителните полиња се означени со *

Close