НБА тимот на Филаделфија севентисиксерс сака до крајот на преодниот рок кој трае до 10 февруари, да го донесе во своите редови, Џејмс Харден од Бруклин нетс.

Како што пишува „Атлетик“, генералниот менаџер на Филаделфија, Дерил Мори има план да направи тим за атак на титулата и за прво големо име кое сака да го ангажира го означи токму Харден.

Харден не е задоволен со својот статус во Бруклин и планира по завршување на сезоната да ја напушти екипата како слободен играч. Но, Мори сака да го донесе Харден во Филаделфија уште сега и подготвува размена во која ќе бидат вклучени неколку играчи.

Мори планира да на Бруклин да му ги понуди Сет Кари, Матис Тајбул, Тајрис Мекси и најверојатно Бен Симонс во замена за Џејмс Харден.

„Атлетик“ пишува дека преговорите меѓу двете екипи веќе се започнати и постојат големи шанси Харден до 10 февруари да стане нов кошаркар на Филаделфија.