Џејми Оливер освен по своите вкусни и брзи рецепти познат е и по интересни идеи за разни ситуации во кујната. Така, на пример, ако сакате да ги сочувате чили пиперчињата кога не им е сезона, можете да ги следите неговите совети.

Замрзнете ги – Ова е наједноставен и очигледен начин за чувањето остатоци. Исчистете ги, ставете ги во најлонска ќеса и во потоа во замрзнувач. Можете да ги користите замрзнати и директно да ги изрендате во јадењето.

Закиселете ги – Според Џејми, останатата течност од киселите краставички не се фрла. Во неа можете да измешате неколку лажички морска сол и да додадете сечкано чили. Вака конзервираните чили можете да ги употребувате уште неколку месеци.

Посејте ги – Семките преку зима чувајте ги во хартиена кесичка, па во февруари или март посадете ги во затворен простор. Кога ќе никнат одгледувајте ги на топло и светло место, редовно полевајте ги и повремено поѓубрете ги.

Исушете ги – Ставете ги на топло сончево место да се исушат. Кога ќе се готови, складирајте ги на топло и суво место, а по потреба користете ги цели или изронете ги во јадење.

Направете масло – од сушените чили можете да подготвите одлично масло. Исушените пиперчиња иситнете ги и една минута загревајте ги во сув сад, па префрлете ги во тегла и полејте ги со маслиново масло. Пред употреба протресете го маслото да пушти од вкусот.