Министерот за здравство Венко Филипче, соопшти дека со мерката домашна картичка ќе бидат опфатени 4.394 здравствени работници. Станува збор за лица кои директно биле вклучени во борбата со Ковид – 19.

Според правилата утврдени од Владата нив ќе им следува 40 отсто од последната основна нето-плата, напиша денеска на својот фејсбук профил министерот за здравство, Венко Филипче.

-Како што ветивме никој нема да биде заборавен. Тука се вклучени вработени во ЈЗУ, Клиника за инфективни болести, Институт за јавно здравје, Центри за јавно здравје, Итна помош, инфективните одделенија и вработени во други одделенија ангажирани за тестирање, дијагностицирање и лекување на граѓани заболени од КОВИД-19, наведува Филипче.