Новиот Центар за приватност ќе биде централно место на кое корисниците на Твитер ќе се информираат за политиките за приватност и заштита на податоците на компанијата, како и за одговорноста на клиентите.

Твитер од јануари 2020 година ќе покрене Центар за приватност, за да може подобро да ги информира своите корисници на појасен и директен начин, околу нивната заштита и информациите кои се споделуваат на таа мрежа.

Веб-страната ќе објави информации за разни иницијативи на Твитер, објави, соопштенија за приватност, ќе ги известува корисниците за безбедносните слабости и инциденти.

Центарот за приватност на Твитер ќе има засилена страна со постојни документи со кои се регулираат правата на приватност на Интернет, како што се GDPR (Општо регулирање за заштита на податоците), CCPA (акт за приватност на потрошувачите во Калифорнија) и Глобален ДПА (додаток за обработка на податоци).

Твитер соопшти дека ќе се фокусира на приватноста во три области: техничка надградба на стариот систем  за да може да поддржи нови услуги, зголемен степен на „вградување“ на приватноста во сите нивни нови производи и одговорност пред клиентите.