По лето исполнето со настапи низ целиот регион и настап пред легендарните „Масив атак“, македонската пејачка и авторка Дина Јашари се враќа пред домашната публика. На 20 ноември 2025 година, таа ќе одржи концерт во скопскиот локал „Јавна соба“, каде што ќе ја претстави својата најнова музичка приказна – албумот „Растенија без корен“.

Настанот ветува вечер исполнета со топлина, нежност и автентичен звук, карактеристичен за нејзиниот стил.

„Кога надвор е ладно и се стемнува рано, музиката нека нѐ стопли“, напиша Јашари во најавата, упатувајќи искрена покана до сите љубители на нејзината музика.

Со неа на сцената ќе настапат членовите на нејзиниот квартет – Лука Тошев на гитара, Драган Теодосиев на тапани и Андреа Мирческа на бас. Публиката ќе има можност да ужива и во изведба со специјален гостин, чие име засега се држи во тајност.

Концертот започнува во 20 часот, а билетите се достапни преку другастрана.мк – по цена од 400 денари во предпродажба и 500 денари на самата вечер.

Кантавторката Дина Јашари го објави својот деби-албум „Растенија без корен“