Димитриевиќ е најдобар македонски кошаркар во 2019 година
Македонската кошарка доби нова ѕвезда, Ненад Димитриевиќ е најдбриот кошаркар за 2019 година.
Кошаркарот на шпанскиот Хувентуд во финалниот избор успеа да ги „победи“ браќата Војдан и Дамјан Стојановски кои доминираа во изминатите години и за прв пат го добива ова признание.
– Благодарам за наградата чест е да се биде наследник на браќата Стојановски. Се гледаме во февруари – гласеше видео пораката на Димитријевиќ по добивањето на наградата.
Наградата за најдобра кошаркарка и припадна на Александра Стојановска, додека тренерот на Астана, Емил Рајковиќ е најдобар македонски тренер во странство.
Актуелниот шампион МЗТ Скопје доминираше на свечената церемонија освојувајќи четири награди, „металците“ се најдобар машки сениорски и младински тим, Ѓорѓи Кочов е најдобар тренер, додека Горан Крстевски е најдобар тренер во младинска категорија.
Претседателот на КФСМ, Перо Антиќ, и додели специјална награда и на Специјалната Олимпијада.
Најдобар кошаркар: Ненад Димитријевиќ
Најдобра кошаркарка: Александра Стојановска
Најдобар тренер во странство: Емил Рајковиќ
Најдобар тренер во машка конкуренција: Ѓорѓи Кочов
Најдобар тренер во женска конкуренција: Жаклина Стојановска
Најдобра машка екипа: МЗТ Скопје
Најдобра женска екипа: ЖКК Вардар
Најдобар судија: Александар Милојевиќ
Најдобра младинска репрезентација: Машка кадетска репрезентација
Најдобар млад кошаркар: Андреј Јакимовски
Најдобра млада кошаркарка: Илина Селцова
Најдобар тренер во машки младински категории: Горан Крстевски
Најдобар тренер во женски младински категории: Владимир Ѓоровиќ
Најдобра машка младинска екипа: МЗТ Скопје
Најдобра женска младинска екипа: Бадел 1862