Девојче (14) смисли РЕШЕНИЕ ЗА МРТВИОТ АГОЛ кој им пречи на возачите ширум светот (ВИДЕО) – Слободен печат
АвтомагазинВи ПрепорачувамеМагазин

Девојче (14) смисли РЕШЕНИЕ ЗА МРТВИОТ АГОЛ кој им пречи на возачите ширум светот (ВИДЕО)

Tаа користеше релативно евтина и широко распространета технологија, која се наоѓа во повеќето продавници за електроника.

Иако денес автомобилите се опремени со бројни помошни технологии и системи, тоа не значи дека сите проблеми се елиминирани и дека возилата тркала се апсолутно безбедни.

Сепак, Алејна Гаслер, 14-годишно девојче кое сè уште нема возачка дозвола, вели дека има решение за „мртвиот агол“ кој е безбедносен проблем, пренесуваат американските медиуми. Таа неодамна го претстави своето решение на натпреварот „Broadcom MASTERS“ за средношколци.

Користејќи релативно евтина и широко распространета технологија, која се наоѓа во повеќето продавници за електроника, Алејна смисли начин да ги неутрализира предните „мртви агли“ кои се создадаваат од пошироките столбови на покривот.

– Ја ставив камерата пред држачот А, во насока која ќе го покрие погледот на возачот, а таа ја проектира сликата во внатрешноста на столбот. На овој начин возачот „гледа“ низ столбот – објаснува тинејџерката која беше наградена со 25.000 долари за нејзиното решение.

Сепак, ова не е целосно оригинален изум, бидејќи некои автомобилски компании (очигледно со неспоредливо поголеми буџети и човечки ресурси) развија слични технологии во последните години.

„Jaguar Land Rover“ го воведе системот „360 Virtual Urban Windscreen“ во 2014 година, што му овозможува на возачот да го гледа патот напред како да нема столбови за покривот.

Компанијата, исто така, со помош на надворешни камери, му овозможи на возачот да види што се случува однадвор, преку сликата предвидена на ентериерот на кровните шини (А и Б столбови). На овој начин, возачот ќе забележи пешаци, велосипедисти или други автомобили што инаку не би биле видливи навреме од столбот, со што се намалува ризикот од сообраќајна несреќа.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close