Во желбата да биде најстариот професионален фудбалер во историјата, Езелдин Бахадер од Египет постигна гол во дебитантскиот настап со 75 години.

Бахадер мора да одигра два комплетни натпревари со цел да се најде во Гинисовата книга на рекорди. Започна на импресивен начин, и покрај една повреда во текот на сите 90 минути, за третолигашкиот египетски клуб, „6 Октомври“.

Татко на четири деца и дедо на шест внуци постигна гол од пенал, а неговата екипа ремизираше со резултат 1:1 против Гениус.

75-year-old Ezzeldin Bahadur scored on his debut and only needs to play one more game to become the oldest player ever! ?? pic.twitter.com/qMYjTU6f6m

— Soccer AM (@SoccerAM) March 9, 2020

– Станав најстариот професионален фудбалер кој постигна гол во официјален натпревар. Го реализирав во последната минута, воедно бев повреден и се надевав само да ги одиграм сите 90 минути. Ќе бидам подготвен за наредниот меч – рече Бахадер.

Како што пренесува „Би-Би-Си“, во јануари, Египетската фудбалска федерација најави регистрација на играчот во осмата деценија од животот, кој никогаш досега не играл професионален фудбал.

Уште како шестгодишно дете започна да игра фудбал на улиците на Каиро, а дури седум децении подоцна започна да им испраќа молби до клубовите да го регистрираат во своите редови.

Беше прифатен од клубот од Каиро, „6 Октомври“, надевајќи се дека ќе добие место во Гинисовата книга на рекорди.