Челси е на добар пат да игра во Лигата на шампионите следната сезона, ќе игра во финалето на елитното клупско првенство иако пред неколку месеци екипата беше далеку од овие успеси.
Но, со доаѓањето на клупата на Томас Тухел, работите се сменија и Челси во последното коло во Премиер лигата влегува од третото место и со евентуална победа над Астон Вила ќе игра во ЛШ, а доколку евентуално не успее да слави во Бирминген, тогаш ќе има шанса за поправен во финалето на ЛШ кое се игра на 29 мај.

Додека се подготвуваат за финишот од сезоната, „сините“ исто така се подготвуваат и за летниот преоден рок каде фокусот ќе биде на нападот. Според Скај Германија, прва мета на Челси и напаѓачот на Баерн Минхен, Роберт Левандовски.

Неверојатниот полски репрезентативец оваа сезона настапи на 39 натпревари во сите конкуренции и постигна дури 47 голови и притоа имаше уште девет асистенции.  Иако во август ќе наполни 33 години, Левандовски сè уште игра фантастично и Тухел во него го гледа идеалното решение за пролбемите со реализацијата.
Тухел е разочаран од игрите на своите напаѓачи, Тимо Вернер, Тами Абрахам и Оливие Жиру, тие сите тројца заедно постигнаа 35 гола во сите натпреварувања.
Челси е подготвен да издвои 60 милиони евра за Левандовски кој јавно изјави дека сака нов предизвик во кариерата.