Извршниот директор на ХиМ, Хелена Хелмерсон објави дека се повлекува од функцијата. Цените на акциите на шведската компанија нагло паднаа откако компанијата објави помала од очекуваната добивка во четвртиот квартал.

Хелмерсон, кој помина четири години на чело на компанијата рече и дека работата е „многу напорна“, ќе го замени Даниел Ервер, кој работеше за компанијата 18 години во различни улоги, а неодамна го предводи брендирањето на ХиM.

Акциите на групата паднаа за девет отсто на Стокхолмската берза по најавата за оставка на Хелмерсон. Шведската групација, вториот најголем синџир на малопродажба на облека во светот по сопственикот на Зара, Индитекс, објави нето добивка од 840 милиони долари во 2023 година, што е зголемување за 2,5 пати во споредба со претходната година.

Оперативната добивка за годината се зголеми повеќе од двојно на 14,5 милијарди круни, што одговара на оперативната маржа која речиси двојно се зголеми во текот на периодот, од 3,2 на 6,2 отсто. Фискалната година на компанијата трае од декември до ноември.

Повлекувањето од Русија во 2022 година по рускиот напад на Украина и програмата за намалување на трошоците ја чинеа компанијата речиси 2,6 милијарди круни.