Бугарското специјално обвинителство отвори обвинение против пејачката Лилијана Дејанова, попозната како ЛиЛана (34), како и против уште четири лица поради сомнение дека се вмешани во организирана криминална група, која проневерила пари од фондовите на Европската Унија.

Според информации блиски до бугарската телевизија бТВ, и братот на пејачката, битбоксерот, Skiller, исто така е меѓу обвинетите.

Во рамките со пронајдените докази, постојат сомненија дека групата делувала од 2016 година. Во прашање се неколку компании кои ги контролирала ЛиЛана, а кои добиле средства од фондови на ЕУ по Оперативна програма за иновација и конкурентност.

Тие се уапсени во операција на Министерството за внатрешни работи и Агенцијата за националната безбедност. Полицијата запленила сервери, компјутери и други докази за криминална активност.

Тројца од приведените ќе бидат задржани во полицијата во следните 72 часа, додека двајца се пуштени со кауција.