Буфон по стапките на уште една голманска легенда, кариерата ќе ја заврши во португалскиот гигант
Италијанецот може да го следи примерот на Икер Касиљас и последните денови од кариерата да ги помине во Порто.
Џанлуиџи Буфон по завршување на сезоната сигурно ќе го напушти Јувентус, сметаат италијанските медиуми. Еден од најдобрите голмани во историјата не сака да оди во пензија, тој планира да игра уште две години пред да се повлече.
Весникот „Газета дело Спорт“ пишува дека сериозен интерес за 43-годишниот Џанлуиџи Буфон пројавува португалскиот Порто. Интересно е што кариерата во Порто ја заврши најдобриот шпански голман Икер Касиљас.
Се очекува Буфон од Јувентус да се прости на финалето во Купот на Италија против Аталанта кое ќе се игра во мај.
– Во главата го имам датумот на крајот на кариерата. Тоа е јуни 2023 година. Сепак, постои можност кариерата да ја завршам и оваа сезона – изјави неодамна Буфон.
Буфон голот на Јувентус го бранеше на 681 гол, во кариерата има брането за уште два тима, Парма и ПСЖ. Во дресот на италијанската репрезентација настапи на 178 натпревари, а во 2006 година триумфира на СП 2006 година.
