Пејачот Брус Спрингстин ги одложи сите свои настапи во септември поради влошено здравје, односно проблеми со чир на желудникот.

Веста е објавена на официјалните профили на пејачот, каде се вели дека лекарите го советувале да направи пауза од еден месец за да се фокусира на своето здравје.

„Овде, на улицата ‘Е’, сме скршени поради тоа што мораме да ги одложиме овие концерти. Прво, им се извинуваме на нашите прекрасни фанови во Филаделфија, каде ги одложивме концертите пред неколку недели. Ќе се вратиме за да ги одржиме тие настапи, па потоа и уште некои други. Ви благодариме за вашето разбирање и поддршка. Многу се забавувавме на нашите шоуа во САД и со нетрпение очекуваме да си поминеме така и во иднина. Ќе се вратиме наскоро“, напиша Спрингстин во својата изјава.

Објавата доаѓа неколку недели откако пејачот откажа два концерти во Филаделфија поради „неоткриена болест“.

Одложените концерти ги вклучуваат Сиракјус, Њујорк, (7 септември); Балтимор, Мериленд, (9 септември); Питсбург, Пенсилванија, (12 и 14 септември); Анкасвил, Конектикат, (16 септември); Олбани, Њујорк, (19 септември); Колумбус, Охајо, (21 септември); и Вашингтон (29 септември).

ВИДЕО | Брус Спрингстин падна на сцената и ги преплаши обожавателите