Германскиот вицешампион Борусија Дортмунд летово остана без Ерлинг Халанд кој се пресели во Манчестер сити,  но успеа да најде пеколни замени за Норвежанецот.

Борусија за 30 милиони евра го донесе од Салцбург, германскиот репрезентативец Карим Адејеми, а сега се наоѓа и пред трансфер на Себастијан Халер од Ајакс.

Холандските медиуми пишуваат дека Ајакс добил понуда од Борусија за Халер која нема да може да ја одбие, 33 милиони евра плус дополнителни бонуси.

Халер пред 18 месеци пристигна во Ајакс од Вест Хем во трансфер вреден 22.5 милиони евра и одигра фантастично под палката на Ерик тен Хаг постигнувајќи 47 гола и имаше 16 асистенции на 65 натпревари.

Себастијан Халер има искуство од настапи во Бундеслигата, тој настапуваше за екипата на Ајнтрахт Франкфурт и на 77 натпревари имаше учинок од 33 гола и 19 асистенции.