БОРКО: Максимално ќе се посветам за афирмација на македонскиот спорт! – Слободен печат
РакометСпорт

БОРКО: Максимално ќе се посветам за афирмација на македонскиот спорт!

- Нека спортот биде еден од главните столбови на кој ќе го градиме нашето општество - вели нашиот ракометен чувар на мрежата.

Голманот на македонската сениорска ракометна репрезентација, Борко Ристовски ќе биде дел од стратешкиот тим на претседателот на ВМРО-ДПМНЕ, Христијан Мицкоски, во областа на спортот.

Тој веќе и се огласи на својата фејсбук страница ветувајќи максимална ангажираност во креирање на политики за афирмацијата на македонскиот спорт.

– Чест, задоволство но и огромна обврска е да се биде дел од стратешкиот тим на Претседателот Христијан Мицкоски и ВМРО-ДПМНЕ. Од моја страна, можам единствено да ветам максимална ангажираност и посветеност во креирање на политики за афирмација на македонскиот спорт. Во периодот што следи ќе понудиме низа проекти и програми за подобрување на условите за работа на спортските федерации, клубовите, спортските работници и се разбира спортистите, пренесени од позитивните пракси од европските земји. Нека спортот биде еден од главните столбови на кој ќе го градиме нашето општество и да пробаме да ја направиме Македонија поубаво место за живеење – напиша Ристовски на Фејсбук.

принтскрин/Фејсбук

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close