Професори, доктори по наука, експерти и аналитичари образовани на престижни меѓународни универзитети, надпартиски личности вчера ја добилe поддршката од Извршниот комитет на ВМРО-ДПМНЕ да бидат дел од тимот на лидерот Христијан Мицкоски.

Како што соопшти на прес-конференција Мицкоски, тимот на стратешки соработници, домашни и странски, ќе се проширува и тие ќе му помогнат во „обновата на Македонија“.

Во тимот на Мицкоски се: професорката Гордана Силјановска – стратешки соработник од областа на правото и политичкиот систем. Сашко Кедев – медицина и здравствени политики. Владимир Дуковски професор во пензија стратешки соработник за технолошки развој. Стратешки соработник за економија е Хозе Караско вонреден професор во Мадрид, Шпанија, Игор Дурловски стратешки соработник за култура, Влатко Гигов, државјанин на Швајцарија за стратешки соработник за нови производи и медиуми и Јанко Баждавела, од Њујорк.

За прашања од областа на спортот стратешки соработник е Борко Ристовски, за енергетика Сања Божиновска, Ака Махмуд од областа на туризмот, косопственик на ЕРЕК групацијата. За прашања на трудово парво вонреден професор Лазар Јовевски, за машинска индустрија и екологија Зоран Марков професор на Машински факултер. За интелектуална сопственост професор Гоце Наумовски. За бизнис и оргнизациски стратегии професор Гоце Андреевски, за корпоративно право Александар Климовски и за банкарска политика Коста Митровски.

– Мојата визија за Македонија е земја која ќе биде напредна. Нам ни е потребна обнова во секој сегмент на општеството – рече лидерот на ВМРО-ДПМНЕ.