Тениската репрезентација на Италија обезбеди пласман во полуфиналето на Дејвис купот, и тоа на импресивен начин, со победа од 2:0 над Австрија во четвртфиналето.

Италијаните го отворија финалниот турнир, кој се одржува во нивната Болонја, на најдобар можен начин, иако настапија без својот најдобар играч Јаник Синер, како и без учесникот на завршниот Мастерс, Лоренцо Музети. Овој успех станува уште поголем ако се земе предвид нивното отсуство.

Победите за „Аѕурите“ ги донесоа Матео Беретини и Флавио Коболи.

Беретини во првиот меч беше подобар од Јури Родионов со 2:0 во сетови (6:3, 7:6), а потоа Коболи со ист резултат (6:1, 6:3) го совлада Филип Мишолиќ и го запечати триумфот на Италија.

Во полуфиналето, Италија ќе се соочи со селекцијата на Белгија, која претходно успеа да ја елиминира Франција