Бејл не може да биде избркан од Реал Мадрид со сила – Слободен печат
СпортФудбал

Бејл не може да биде избркан од Реал Мадрид со сила

Менаџерот на велшкиот репрезентативец со јасна порака до челниците и тренерот на „кралскиот“ клуб.

Герет Бејл се наоѓа на излезни врати од Реал Мадрид, од него кренаа раце и претседателот Флорентино Перез и тренерот Зинедин Зидан. Единствен проблем околу неговото заминување е големата плата која ја има Бејл во Реал Мадрид, таа изнесува 17 милиони евра и ниту една европска екипа не сака да му ги понуди истите услови.

Покрај тоа што не сметаат на него, Зидан му порача дека најдобро би било Велшанецот што побрзо да си замине од „Сантијаго Бернабеу“, но одговорот дојде од менаџерот на фудбалерот, Џонатан Барнет.

– Нема да има посебни договори како би се избркал Бејл од Реал Мадрид, тој е еден од најдобрите фудбалери на светот и ви гарантирам дека нема да замине на позајмица. Бејл е фудбалер на Реал Мадрид и така ќе остане во иднина, а доколку се појави понуда која на нас ќе ни одговара, ќе си замине. Доколку не се случи тоа, Бејл останува фудбалер на Реал Мадрид до 2022 година, никој не може да го избрка фудбалерот на сила – изјави Барнет.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close