Настапот на Герет Бејл со селекција на Велс на СП во Катар заврши во групната фаза, но тој ги изненади сите откако објави дека нема намера да се повлече од националниот тим.

Бејл нема намера да се повлече од репрезентацијата, иако замина во ЛА ФЦ во МЛС-лигата и многумина тој трансфер го најавуваа како подготовка за фудбалска пензија, а посебно заминување од националниот тим со кој играше и на Еврпско првенство, а сега првпат и на светско.

„Ќе продолжам да играм за Велс сè додека можам, сè додека нозете ме држат, сè додека сакам! Квалификациите за Еуро 2024 се многу брзо, нè чека нова авантура, стартуваат во март и треба сите да размислуваме за тоа, колку далеку може да стигнеме. Разочарани сме од настапот на СП, ама истовремено и горди колку далеку дотуркавме. Треба да ги кренеме главите и да продолжиме понатаму. Ниту еден велшки тим толку далеку не стигнал како овој, а после 64 години првпат играме на Мундијал“, рече Бејл.