Беа ривали, но Иниеста нема проблем да го пофали: Тој е еден од најдобрите на сите времиња
Андрес Иниеста иако има 38 години се уште е активен на фудбалските терени носејќи го дресот на Висел Кобе во Јапонија, а сега со големи пофалби зборуваше за Лука Модриќ.
Беше Модриќ долгогодишен ривал на Иниеста во времето кога Шпанецот настапуваше за Барселона. Сега Иниеста беше искрен и го истакна Модриќ како еден од најдобрите на сите времиња.
„Ние сме фудбалери од различен профил, но исто така сме и слични поради позицијата која ја играме на теренот. Сигурно дека Модриќ е еден од најдобрите креативци на сите времиња. Тој е важен дел од Реал Мадрид и воопшто не е лесно да бидете на такво ниво толку години и да сте столб на играта на тим како Реал Мадрид“, изјави Иниста.
Во својата кариера Иниеста го носеше дресот на Шпанија во период од 2006 до 2018 година и успеа да освои две Европски првенства и еден Мундијал. За „Фуријата“ собра 131 настап и постигна 13 голови.