Баерн сака да го врати Вернер во Бундеслигата
Германскиот шампион Баерн Минхен ова лето ќе се обиде да го направи тоа што не му успеа минатото, да го ангажира репрезентативецот Тимо Вернер. Вернер минатата година ја одби понудата од Баерн Минхен и одлучи од Лајпциг да се пресели во Челси во трансфер вреден 53 милиони евра.
Иако Вернер за Челси постигна 12 гола и имаше 15 асистенции на 51 натпревар и имаше свој придонес во освојување на титулата во Лигата на шампионите, управата на „сините“ очекуваше многу повеќе од германскиот репрезентативец.
Сепак, иднината на Вернер во Челси е неизвесна бидејќи менаџерот Томас Тухел сака да го ангажира Ерлинг Халанд од Челси. Доколку Халанд пристигне на „Стемфорд бриџ“, тогаш Вернер или ќе заврши на клупата или ќе мора да игра на крилната позиција.
Неизвесната иднина на Вернер во Челси сака да ја искористи Баерн Минхен чиј нов тренер инсистира на ангажман на напаѓачот бидејќи со него соработуваше во Лајпциг и знае што може да очекува од него. Нагелсман му беше тренер на Вернер во сезоната 2019/20 кога напаѓачот на 45 наптревари постигна 34 гола и имаше 13 асистенции.