Австрија времено го намалува ДДВ – то за рестораните и културата
За донесување на ваквата мерка на Австрија потребно и е одобрување и од Европската комисија.
Aвстрија планира да го намали данокот на додадена вредност за рестораните и културата на пет проценти, со што би им се помогнало на овие сектори да се изборат со последиците кои ги трпат поради пандемијата од корона вирусот, а пониската стапка ќе важи до крајот на годината, соопштија властите во Австрија.
Планот ќе биде готов по дводневната седница на владата која треба да се одржи во понеделник и вторник и на која ќе бидат претставеи и други стимулативни мерки.
За донесување на ваквата мерка на Австрија потребно и е одобрување и од Европската комисија.
Мерката меѓу другото ќе се однесува на влезниците за кино и музеј, за книги и списанија изјави заменик министерот за култура, Андреа Мајер.
Според нејзините зборови, компаниите кои работат во овие сектори имаат различнистапки на ДДВ, главно од 10 – 13 проценти.
Помалата стапка на ДДВ ќе важи и за продажбата на храна и пијалоци во хотелите, соопшти министерката за туризам Елизабет Кестингер.