Поранешниот заменик-министер за образование и наука, Петар Атанасов во своето гостување на ТВ24 вечерва понуди две објаснувања за тоа зошто сме во оваа политичка ситуација. Тој рече дека ни претстои „уште една епска битка помеѓу ВМРО-ДПМНЕ и СДСМ која завршува на штета на граѓаните“.

– Се прави една политичка драма. На локалните избори, СДСМ дожиева голем пораз и наместо мирно да се канализираат резултатите и последиците на ова што се случува, се билда нов конфликт. Секогаш има излез од ситуацијата, а за тоа се одговорни лидерите. Заев сам го констатираше својот политички крај, а потоа пресврт. Тој стана заложник на своето членство и ДУИ и жртва на Европската Унија, вели Атанасов.

Тој вели дека доколку бил на местото на Заев, би постапил поинаку по локалните избори.

-Јас да бев Зоран Заев прво ќе им ја честитав победата , но ќе преспиев една, две ноќи и ќе се договорев со лидерот на опозицијата да седнеме да се договориме што понатаму кој колку сила има и кој каква поддршка има и штое е добро за државата, рече Атанасов.