ВИДЕО | Астана: Медведев го предаде мечот, Ѓоковиќ закажа финале со Циципас
Новак Ѓоковиќ се пласираше во финалето на АТП турнирот во Астана откако Данил Медведев го предаде мечот после вториот сет (1:1, 6:4, 6:7(6)).
Одличниот меч за жал беше прекинат и не се одигра до крај. Двајцата ривали изедначено влегоа во натпреварот. Ѓоковиќ повторно добро го контролираше својот форхенд, она што го красеше во Тел Авив, како и досега во Астана. Данил Медведев некаде кон средината на првиот сет започна да го користи лошиот сервис на српскиот тенисер.
Русинот го доби првиот сет и вториот го однесе во тајбрејк каде што го загуби 13-гејм со 8:6, а тогаш ги изненади сите со својата одлука.
Медведев дојде до Новак и му соопшти дека ќе го предаде мечот, тоа беше големо изненадување и за Ѓоковиќ затоа што до тој момент Русинот не даваше некакви знаци за повреда. Сепак, подоцна за новинарите Медведев откри дека имал истегнување на мускулот на ногата и морал да го предаде.