Поддршката за конзервативците на германската канцеларка Ангела Меркел падна на најниско ниво за една година, покажува новата анкета на „Форса”. Германците се разочарани од владината акција за борба против коронавирусот и имунизацијата, оценуваат локални медиуми.

Соочени со федерални избори во септември без Меркел, која се повлече од политиката по четири мандати, Христијанско-демократската унија (ЦДУ) и Христијанско-социјалната унија (ЦСУ) загубија четири проценти поддршка за една недела и паднаа на 29 проценти, покажува анкетата на „Форса“, пренесува Блумберг.

Ова е најниско ниво од март во 2020 година, кога изби епидемијата во Германија. Анкетата беше објавена по двата пораза на ЦДУ на регионалните избори во неделата.

„Зелените“ се најголеми победници, за кои поддршката се зголеми за три отсто, достигнувајќи 21 процент доверба меѓу гласачите, додека рејтингот на другите партии не се промени. Социјалдемократите имаат поддршка од 16 проценти.