Ангеловски не е во плановите на Лудогорец

Ангеловски нема да седне на клупата на бугарскиот тим/ фото: Слободен печат/Драган Митрески

Актуелниот шампион на Бугарија, Лудогорец ги отфрли шпекулациите дека поранешниот селектор на Македонија, Игор Ангеловски ќе биде новиот тренер на екипата.
Управата на Лудогорец за бугарските медиуми изјави дека им биле понудени услугите на Ангеловки, но екс селекторот на Македонија засега не им е интересна опција за клупата.

Ангеловски по настапот со македонската репрезентација на Европското првенство во јуни годинава, е без тренерки ангажман иако неговото име се споменуваше како решение за неколку екипи.

Освен Лугодорец, за Ангеловски сериозен интерес има и од полскиот шампион Легија Варшава.

Минатат недела со името на Ангеловски се поврзуваше и Хајдук Сплит кој сепак го ангажира токму поранешниот тренер на Лудогорец, Валдас Дамбраускас.

 

Видео на денот