Анчелоти крои шампионски Евертон: После Хамес, доаѓа и Иско!?
Повеќегодишниот фудбалер на Реал Мадрид, Иско е незадоволен од статусот во клубот и има намера да се пресели во Евертон, пренесува британскиот „Мирор“.
Изворот вели дека Иско не е во најдобри односи со тренерот на „кралевите“, Зинедин Зидан, од кој не добива голема минутажа во екипата, што ја зацврстува одлуката најверојатно играчот да си оди во јануари 2021 година.
Договорот со Реал му истекува на лето 2022, а вредноста на неговиот трансфер се проценува на нешто повеќе од 20 милиони евра. Покрај Евертон, кој го води поранешниот тренер на Иско, Карло Анчелоти, за шпанскиот интернационалец интерес покажуваат уште Арсенал и Јувентус.
Претходно и Хамес Родригез беше незадоволен од слабата минутажа на „Сантјаго Бернабеу“ и после шест години го напушти клубот и направи трансфер во Евертон.
Кога сме веќе кај тимот од Ливерпул, моментно во Премиер лигата играчите на Анчелоти моментно после шест меча се на второто место на табелата со 13 бода, три помалку од водечкиот Ливерпул кој има меч повеќе.