Американскиот сенатор Греам ги повика САД да му дозволат на Израел да го нападне Хамас во Рафа
Американскиот сенатор Линдзи Греам ja повика администрацијата на Бајден и американскиот Конгрес да му дозволат на Израел да работи на уништување на четирите баталјони на Хамас во неговото последно големо упориште, градот Рафа во јужна Газа.
Греам, републикански сенатор од Јужна Каролина, кој беше во посета на Израел, рече во Ерусалим дека за уништувањето на баталјоните во Рафа „не може да се преговара“.
Израел планира офанзива во Рафа, што предизвика меѓународна тревога бидејќи таму се засолнети стотици илјади Палестинци.
САД, главниот сојузник на Израел, изрази загриженост за плановите на Израел во Рафа, велејќи дека копнената операција таму ќе предизвика поголема штета на цивилите и ќе ја продлабочи хуманитарната криза во малата крајбрежна енклава.
Израел требаше да испрати делегација во Вашингтон за да разговара за ваквите планови, но ја откажа откако САД останаа воздржани на гласањето во Советот за безбедност на ОН за резолуција со која се повикува на итен прекин на огнот и ослободување на заложниците држени во Газа, без поврзување на двете.