Вардар денеска го доживеа шестиот пораз во Лигата на шампионите, загуби од Порто со 22:30. Тренерот на „вардарци“, Стевче Алушовски е реален и ги призна поразот од Порто, кој беше подобар тим денеска.

– Имаме проблеми, неколку играчи го напуштија клубот. Се надевам на се најдобро за Вардар, тоа е бренд во нашата земја. Јас сум убеден дека и следната сезона, можеби не на ова ниво, но ќе игра повторно во ЛШ. Не е моја работа, но секојдневно со играчите се соочуваме со оваа ситуација. Наше е да тренираме, а имаме пет пивоти, четири крила и тројца голмани за направиме квалитетен тренинг. Но се надеваме на подобри денови за нашиот клуб – Вели Алушовски.