Лондонската полиција испратила над 2000 СМС пораки до лицата кои албанската нарко банда  ги снабдувала со кокаин. Во СМС пораката, полицијата им нуди на ,,купувачите“ помош во решавањето на  нивниот  проблем со зависноста од наркотици.

Се работи за клиенти кои повеќето се вработени во лондонскиот финансиски центар, а нивните телефонски броеви , полицијата ги открила запленувајки два мобилни телефони од албанската мрежа на организираниот криминал.

Лондонските медиуми наведуваат дека полицијата веќе подолго време контактира и им нуди помош на зависниците и редовните купувачи на албанската криминална нарко  банда.

Во СМС пораките полицијата им укажува на купувачите на кокаинот дека  нивните ,,дилери“ се уапсени, и дека им нуди помош на зависниците да се одвикнат од наркотиците.

Лондонската полиција  досега уапси 12 Албанци со лажни документи кај кои е пронајдено 1,2 килограми кокаин во вредност од 144 илјади фунти.