15 C
Скопје

Албанија: Комитетот на експерти објави дека заразените и лицата со симптоми нема да гласаат

На неколку дена до парламентарните избори, албанскиот комитет на експерти за справување со пандемијата доцна попладнево ги објави протоколите за денот на изборите, 25 април.

Она што посебно се нагласува е дека нема да гласаат сите заразени лица со ковид-19, кои се во домашна изолација или се лекуваат во болница. Се препорачува  оние кои имаат симптоми на вирусот да останат дома.

-Поконкретно заразените лица со опасниот вирус треба да останат дома но и оние кои имаат симптоми, како треска, отежнато дишење или висока температура. Нема да гласаат ниту лицата кои се хоспитализирани, стои во соопштението на комитетот.

Моментно според официјалната статистика активни на болеста се 24.888 од нив дури 18.195 во Тирана.

-На секој влез на гласачките места треба да има средства за дезинфекција на рацете. Задолжително е носење заштитна маска. Гласачките кутии и параваните за гласање ќе бидат поставени на два метра оддалеченост од избирачкиот одбор. Што се однесува на просторијата за гласање таа треба да биде со поголема површина, да има посебен влез и излез со цел да се обезбеди физичко растојание, а во просторијата може да влезат само двајца гласачи, се дел од протоколите.

Исто така, секој член на избирачкиот одбор и набљудувачите на процесот, на денот на изборите мора да достави образец со потпишана изјава дека нема знаци поврзани со ковид-19, да носат заштитна маска и да се на растојание не помало од 1,5 метар.

Поврзани вести

Демократите победија на изборите во Херцег Нови, партијата на Ѓукановиќ доби само 6 места

Слободен печат

ВИДЕО | Необично грабнување во Татарстан: Украле авион, се урнаа неколку минути по полетувањето и загинаа

Слободен печат

ВИДЕО: Шпанците излегоа на улиците за да го прослават укинувањето на карантинот – шест месеци беа заклучени

Слободен печат

Медиумски фонд, со пари од медицинскиот канабис!

Љубиша Николовски

ВИДЕО: Непоканет гостин му ја украде славата на министерот додека даваше изјава

Слободен печат

Индија мака мачи со пандемијата, регрутира поранешен воен медицински персонал

Слободен печат

Остави Коментар