Аква паркот се отвора во петок: Една новина особено ќе им се допадне на најмалите деца
Летната сезона во Аква паркот во рамки на спортскиот центар „Борис Трајковски“ стартува од петок во 10 часот, информираат од спортскиот центар.
Оваа година, Аква паркот повторно нуди интересни содржини за сите возрасти, 10 атрактивни тобогани, базен со бранови, бумеранг, детски базен, како и ново детско катче за забава во песок. Новитет е и полудневната карта, која ќе може да ја користат сите кои во текот на денот се на работа, а сакаат да се релаксираат во попладневните часови.
Водата во сите базени е збогатена со калциум хипохлорит, што ја прави најчиста, најквалитетна и најбезбедна по сите светски стандарди и е единствена од таков тип во нашата држава.
Покрај стандардните содржини за капење и уживање, во текот на вечерните часови ќе се организираат и забави, а просторот ќе може да се изнајмува и за уникатни прослави, родендени, момински и ергенски вечери.