Ахмети од Сарај: Гласајте за Петре Шилегов за град Скопје, не е оптоварен со предрасуди

Али Ахмети, лидер на ДУИ/ Фото: Фејсбук

Демократската унија за интеграција (ДУИ) вечерва на централниот изборен митинг во скопски Сарај, ја претстави листата на општински советници за оваа општина и градот Скопје, како и нивниот кандидат, актуелниот градоначалник Блерим Беџети за нов четри годишен мандат, пренесува „Слободен печат“.

Во својот говор пред жителите на Сарај, лидерот на ДУИ повика покрај кандидатот на ДУИ, Блерим Беџети и листите за советници, да се гласа и кандидатот на коалицискиот партнер, кандидатот на СДСМ и коалицијата „Најдоброто за мојата општина“ за град Скопје, Петре Шилегов.

„Во овие политички активности има договори, има партнерства. Имаме договор, договори што ни донесоа придобивки како Албанци. Имаме договор за поддршка на кандидатот на нашиот коалициски партнер, г -дин Петер Шилегов, кој работеше и не беше оптоварен и ова го потврди и Блерим, и Чаир, дека нема предрасуди. За мене најголемата пречка е кога ќе забележам дека некој има предрасуди и има оптоварувања. Такво нешто не е забележано кај него и би ве замолил да го поддржете за градоначалник на Скопје, бидејќи тоа ќе биде во корист на општините Сарај, Чаир, Бутел каде што многу активности се поврзани“, рече Ахмети меѓу другото во неговиот говор, пренесува „Слободен печат“.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот