Адетунџи од Шкупи моментно најефикасен во Првата македонска лига
Остануваат уште пет кола до крајот на сезоната во Првата македонска фудбалска (1МФЛ), Шкупи овој викенд може да се промовира како нов шампион на нашата земја.
Играчите на тренерот Гоце Седлиски се првопласирани на табелата со 68 бодови, 13 повеќе од второпласираниот тим на Академија Пандев.
Значаен придонес во успешните резултати на клубот од Чаир има и 23-годишниот централен напаѓач Сандеј Адетунџи.
Нигериецот е моментно прв стрелец во шампионатот со 18 голови, два повеќе од Мартин Мирчевски кој не ги брани повеќе боите на Академија Пандев, односно од вториот дел на сезоната настапува за Бачка Топола од Србија.
Следува Ремзи Селмани од Ренова со 13 голови, а по девет имат Ермедин Адем (Македонија ЃП) и Марјан Алтипармаковски (Брегалница Штип).