Португалскиот стратег Жозе Мурињо планира следната сезона да се врати во тренерските води и како негова идна дестинација се споменува Франција.
Мурињо, кој во декември минатата година доби отказ од Манчестер јунајтед, моментно работи како стручен аналитичар за неколку ТВ куќи, а откри дека од јуни очекува да се врати во тренерските води.
– Сакам да тренирам екипа и во петта лига и да триумфирам во Лигата на шампионите со трет клуб – изјави неодамна Мурињо.

Според оваа изјава, медиумите сфатија дека тој посакува да работи во Германија или Франција, бидејќи претходно титули освојуваше во Португалија, Англија, Шпанија и Италија.
Францускиот магазин „Л’Екип“ пишува дека следна дестинација на Мурињо ќе биде Франција, но не шампионот ПСЖ туку Монако, кој веќе се распрашувал кај неговиот менаџер Жорге Мендеш за евентуалниот ангажман.