Најдобрата македонска одбојкарска репрезентација ќе учествува на претстојното Европско првенство кое ќе се одржи во четири земји (Полска, Чешка, Естонија и Финска) во периодот од 1-19 септември.

Нашите одбојкари се сместени во групата „Ц“, во Тампере (Финска) ќе ги одиграат натпреварите од групната фаза.

Прв ривал ни е Финска на 1 септември од 18.00 часот по македонско време, два дена подоцна играм со Холандија, на 5 септември против Турција, следниот ден со Шпанија, а последен противник е Русија.

Ова е наш втор континентален собир, во дебитантскиот настап во Љубљана имавме и повеќе од солиден настап, ја совладавме Белорусија, а потоа и европскиот вицешампион Словенија иако тоа не беше доволно за осминафинале, но сепак оставија значителен впечаток.

Сега без никаков притисок, знаејќи го искуството, македонската селекција се надева на подобар пласман од дебито кога се најдовме на 17 место од 24 позиции.

Одбојкарската репрезентација со двајца дебитанти ќе настапи на ЕП

Непосредно пред патувањето за Тампере, еве што напиша македонската одбојкарска федерација на својот официјален Фејсбук профил:

– Ново Европско за малата земја со големи соништа – објавија од федерацијата.