Иако важеше за главен фаворит, фудбалската репрезентација на Франција доживеа неуспех на Евео 2020. „Тиколорите“ во осминафиналето загубија од Швајцарија и тоа во пенал рулетот иако во регуларниот дел од натпреварот имаа водство од 3:1.
Француската хавност е незадоволна од резултатите, на удар е селекторот Дидие Дешан, но во исто време во јавноста испливаа и други проблеми кои ги имаше во соблекувалната.
Но, претседателот на фудбалската федерација на Франција, Ноел Ле Грет не сакаше да шпекулира околу иднината на селекторот Дешан.

– Мора добро да размисли, како и јас. Ќе поминеме еден ден заедно, ќе разговараме за неговата мотивација и желби. Не можеме по еден неуспех се да доведуваме во прашање, бидејќи зборуваме за човекот кој не водеше до светската титула. Ниту една едлука нема да ја донесеме набрзина – изјави Ле Грет.

Желбата на најголем дел од фановите, но и на јавноста, наследник на Дешан да биде Зинедин Зидан. Зидан по завршување на изминатата сезона си поднесе оставка од тренерската функција во Реал Мадрид и најави дека ќе си земе едногодишна пауза од фудбалот.
– Зинедин Зидан е личност која ја обожувам. Успешен беше и како играч, успешен е и како тренер. Зидан сигурно ќе ја предводи Франција. Кога? Не знам, но тоа сигурно ќе се случи еден ден – истакна Ле Грет.