Жизел Бундшен шокираше со изјавата за бракот со Том Брејди: Тоа беше преживување…
Бразилскиот топ модел Жизел Бундшен неодамна отворено проговори за нејзиниот 13-годишен брак со Том Брејди, ѕвездата на американскиот фудбал, кој заврши со развод.
Она што го откри манекенката го остави светот во шок, бидејќи сите мислеа дека тие двајца се совршен пар.
Таа јасно и гласно изјавила дека во текот на бракот со Брејди не живеела, туку само преживувала.
„Мислам дека претходно повеќе преживував, а сега живеам, што е поинаку“, изјавила Жизел Бундшен за „Си-би-ес“.
Манекенката додала дека е задоволна што влегла во нов период од нејзиниот живот.
Жизел рекла и дека е среќна што сега може да прави повеќе работи коишто таа самата ги сака, но и дека, покрај сè, не би променила ништо од тоа што го правела.
„Не би менувала ништо, не би направила ништо поинаку, ниту една ситница. Разводот не беше нешто на што се надевав и што посакував, моите родители беа во брак 50 години и на некој начин го сакав тоа и за себе. Но, мора да прифатиш дека некогаш со годините се зближувате, а некогаш се разделувате. Тој е татко на моите деца и секогаш му посакувам само најдобро, благодарна сум на убавите деца што ги имаме и верувам дека кога една врата се затвора, друга се отвора“, рекла Жизел, пренесе американскиот портал „Ти-ем-зи“.
Том Брејди во последно време го поврзуваат со руската убавица Ирина Шајк, со која неколкупати беше снимен заедно.
Жизел Бундшен и Том Брејди се почастија со луксузен имот во „бункерот на милијардери“
„Беше болно и тешко“: Жизел Бундшен и Том Брејди се разведоа