Полицијата ја идентификувала жената осомничена дека му испратила писмо на американскиот претседател што било затруено со отровен рицин .

Полицијата соопшти дека ја идентификувала жената осомничена за испраќање на писмото, но не открила детали, пренесува Спутник.

Писмото се чувало во посебниот владин центар за надворешни пратки, спречувајќи го да стигне до Белата куќа. „Федералното биро за истраги и нашите соработници од американската разузнавачка служба и Службата за поштенска контрола го анализираат сомнителното писмо, кое пристигна во центарот за пратки на американската влада“, се вели во соопштението на ФБИ, како што објави Њујорк тајмс. Во овој момент нема индиции дека јавната безбедност е загрозена.

Слични писма биле испратени до органите на прогонот во Тексас, вклучувајќи затвор и канцеларија на шерифот. Заедничка работна група за борба против тероризмот работи на случајот во Вашингтон со помош на њујоршката полиција и Кралската канадска коњаница (РЦМП).

Истражителите рекле дека не е воспоставена никаква врска помеѓу писмото со отров и меѓународните терористички организации, без откривање докази. Официјални лица, сепак, велат дека истрагата е во рана фаза и засега не исклучуваат каква било можноста.

Ова не е прв напад од ваков вид.

Поранешниот американски претседател Барак Обама исто така беше цел на напад со рицин. Во 2013 година, актерката Шенон Ричардсон беше осудена на 18 години затвор за испраќање на заруени писма до Обама и Мајкл Блумберг, тогашниот градоначалник на Њујорк.

Ветеран на морнарицата на САД е обвинет дека се обидел да испрати пликови со рицин на неколку американски официјални лица во 2018 година. Вилијам Клајд Ален сè уште чека судење, бидејќи е откриено дека тој испратил мешунки од растенија, а не семе во прав.

Пакет со смртоносен отров адресиран до Трамп