Од денеска и официјално македонскиот репрезентативец Езџан Алиоски е слободен играч, откако до 30 јуни му траеше договорот со Лидс.

Како што е веќе познато, премиерлигашот во мај му понуди нов договор на нашиот играч, останува да видиме дали истиот ќе го прифати.

Во изминатиот период Алиоски се поврзуваше со Фенербахче, а деновиве уште еден турски клуб ја следи ситуацијата со играчот.

Трабзонспор според турските медиуми за услугите на 29-годишниот Македонец нуди еден милиони и 200.000 евра, и уште 500.000 евра за неговиот потпис.

Минатата сезона во Премиер лигата за клубот од „Еланд роуд“ постигна два гола и запиша три асистенции во 36 настапи.

Trabzonspor, Kuzey Makedonyalı sol bek Ezgjan Alioski'ye son olarak 1 milyon 200 bin Euro yıllık ücret ve 500 bin Euro imza parası teklif edecek. pic.twitter.com/ZDOCFP6QVS

— Trabzonspor Web (@trabzonspor_web) July 1, 2021